U arrestua nga autoritet serbe pasi akuzohet për krime luftë, ish-luftëtarit i UÇK-së lihet në paraburgim

Autoritet serbe arrestuan pak ditë më parë në Merdarë, ish-ushtarin e Ushtrisë Çlirimtare të Kosovës, Hasan Dakaj, ndaj të cilit është caktuar masa e paraburgimit për një muaj në Serbi.

Avokati i tij, Xhevdet Smakiçi ka konfirmuar masën dhe është shprehur se do të ushtrohet e drejta për apelimin e saj.

“Ai ndodhet në Beograd në qendrën e paraburgimit nga Kushumli e kanë dërguar. Mbrëmë vonë unë kam marrë informacion nga avokati i caktuar nga shteti serb që i është caktuar masa e paraburgimit prej 30 ditësh dhe tash ka me ushtruar ankesë”, u shpreh Smakiçi.

Nga Prokuroria serbe pretendohet se Dakaj ka kryer krime lufte si në vitin 1999 kur ai ishte vet 19 vjeç.